Cristiano Ronaldo iu bashkua pak ditë më parë Al Nassr në Arabinë Saudite. Mirëpo gjëra mund të kishin shkuar ndryshe dhe sulmuesi portugez mund të kishte veshur një fanellë ndryshe nga ajo e Al-Nassr.

Lajmi është i bujshëm, CR7, në fakt, ishte afër rivalëve të drejtpërdrejtë të klubit të tij aktual, Al-Hilal, por marrëveshja u  prish për shkak të ndalimit të transferimeve, një embargoje pas rinovimit të Mohammed Kanno, pavarësisht akordit të tij me Al -Nassr.

Prandaj, transferimi mbeti thjeshtë një tentativë e dështuar, e më pas Al-Nassr veproi për të rrëmbyer shërbimet e Ronaldos.

CR7, pasi përfundoi aventurën e tij te Manchester United, nënshkroi një kontratë me vlerë 175 milionë paund në vit, e cila e bindi të nënshkruante me klubin e tij të ri. Qëllimi i tij ishte të përfundonte karrierën në Evropë, por pasi eksploroi tregun në ligat kryesore ai vendosi të transferohej në Arabi.