Sebastian Haller ka festuar rikthimin e tij në fushë. Në miqësoren kundër Fortuna Dusseldorf (1-5) në Marbella, sulmuesi i Dortmundit zbriti për herë të parë në fushë, pas diagnostikimit me sëmundjen e kancerit dhe për herë të parë me fanellën e verdhezinjëve që nga transferimi i tij në verën e vitit 2022.

Sulmuesi 28 vjeçar u inkuadrua në fushë unë minutën e 74-të në vend të Youssoufa Moukoko, ku sigurisht nuk munguan duartrokitjet nga ana e të dyja skuadrave si edhe tifozëve që po ndiqnin sfidën.

Haller pati ndikim të menjëhershëm në lojë, qoftë në mesfushë, madje bëri edhe një goditje në portë, e cila u prit nga portieri i Duseldorfit, Florian Kastenmeier.

Pas ndeshjes, Haller dha një prononcim për mediat, ku e cilësoi momentin e rikthimit si të mrekullueshëm.

 "Ishte një moment i mrekullueshëm. Mora shumë duartrokitje dhe shumë mesazhe, fola me shokët e skuadrës dhe kundërshtarët. Kjo mbështetje kontribuon në performancën.”

Ish-sulmuesi i Ajax qëndronte jashtë fushave që në momentin që u transferua në “Signal Iduna Park”, për shkak të problemeve të tij shëndetësore. Haller para pak kohësh u detyrua t’i nënshtrohej një operacioni të dyfishtë në testikuj dhe tashmë zbriti në fushën e blertë, duke lënë pas krahëve sëmundjen e rëndë.

¡𝗘𝗦𝗧𝗔 𝗗𝗘 𝗥𝗘𝗚𝗥𝗘𝗦𝗢! Sebastian Haller volvió a disputar un partido con el Borussia Dortmund. Había sido diagnosticado de cancer de próstata 6 meses atrás. Hoy hizo su retorno en un amistoso del BVB vs Düsseldorf. ¡Notición! 🖤💛👏🏽pic.twitter.com/LtptgZZiTp

— Gary Erazo (@GaryErazo11) January 10, 2023