Në kërkim të një portieri të ri pas thyerjes së këmbës së Manuel Neuer gjatë skijimit në fillim të dhjetorit, gjë që e bëri atë të padisponueshëm deri në fund të sezonit, Bayern Munich ka gjetur, sipas informacioneve nga Sky Sport , një marrëveshje verbale me portierin zviceran Yann Sommer , i cili dëshiron të provojë një sfidë të re.

Në moshën 34-vjeçare, portieri i Borussia Monchengladbach, i cili shkëlqeu në Botëror me Zvicrën, mund t'i bashkohet bavarezëve deri në vitin 2025. Por përpara kësaj, drejtuesit e klubit të Monchengladbach do të donin të gjenin një zëvendësues për të, veçanërisht pasi tekniku Daniel Farke dëshiron të mbajë portierin zviceran i cili është i lidhur me klubin gjerman deri në verën e vitit 2023. Këtë sezon, Yann Sommer luajti 10 ndeshje në Bundesliga me Borussia Monchengladbach përpara se të lëndohej kundër Darmstadt më 18 tetor.