Legjendari Diego Maradona dhe Pele nuk kanë luajtur kurrë bashkë apo kundër njëri-tjetrit në fushën e futbollit dhe gazetari i njohur Fabrizio Romano ka shpërndarë një video të tyre duke luajtur në një emision televiziv.
Vdekja e Peles trishtoi të gjithë fansat e futbollit dhe media të shumta evropiane raportuan mënyrën se si Pele i dha lamtumirën Maradonës, kur vdiq papritur në vitin 2020.
“Shpresoj që një ditë të luajmë futboll së bashku në parajsë”, shkruante në atë kohë Pele dhe mesazhi i tij shkaktoi reagime të shumta.
Pelé's message to Maradona after the Argentine passed away in 2020.
— ESPN FC (@ESPNFC) December 29, 2022
RIP legends 🙏 pic.twitter.com/GzJf6v2tnQ
Tani, Romano ka shpërndarë një video nga një emision televiziv, në të cilin dyshja në fjalë shihen duke luajtur me njëri-tjetrin me top në studio, duke luajtur “headball”-in popullor.
“Faleminderit për gjithçka”, ka thënë Romano me videon e përmendur.
Thanks for everything. 🤍🕊️ #Pele pic.twitter.com/EItF8tGNWN
— Fabrizio Romano (@FabrizioRomano) December 29, 2022
Pele shënoi deri në 77 gola në 92 paraqitje për Brazilin dhe me Seleçaon u bë kampion bote në 1958, 1962 dhe 1970.
Ai hyri në Librin e Rekordeve Guinness si golashënuesi më i mirë në historinë e futbollit pasi shënoi 1279 gola në 1363 ndeshje, përfshirë ndeshjet miqësore.
Deri në shfaqjen e Lionel Messit dhe Cristiano Ronaldos, të gjithë ekspertët ishin të ndarë në dy emra - Pele dhe Diego Maradona kur bëhet fjalë për dilemën se kush është futbollisti më i mirë në histori dhe FIFA vendosi t'u jepte të dyve çmimet si futbollistët më të mirë të shekullit të 20-të.
© SYRI.net
Bëje LIKE dhe merr lajmin e fundit nga Sporti: