Interi ka zyrtarizuar marrëveshjen me Ebay, i cili do të jetë sponsori më i i ri i klubit. Palët kanë arritur një marrëveshje dyvjeçare, me opsion rinovimi edhe për një vit shtesë.

Marka do të stampohet në mëngët e fanellave zikaltër, si për ndeshjet e Serie A ashtu edhe për ndeshjet e Champions League. Në këtë marrëveshje është përfshirë edhe ekipi i femrave.

Siç raportohet nga Gazzetta dello Sport, Ebay do t’i paguajë Interit një shumë prej rreth 5 milionë euro në sezon. Të tjera të ardhura të rëndësishme këto për arkën e klubit zikaltër që prej vitesh po has vështirësi.