Inter nuk do të heqë dorë lehtë nga Milan Skriniar.

Qendërmbrojtësi i Interit, Milan Skriniar, është në listën e dëshirave të disa skuadrave të mëdha evropiane, por edhe Interi ka planet e veta.

Zv/ presidenti i Interit, Javier Zanetti, ka dhënë së fundmi disa komente lidhur me situatën e Skriniar, duke konfirmuar mes tjerash se janë në negociata për rinovimin e kontratës.

“Ne jemi në negociata për të vazhduar kontratën e tij, me negociatat që po progresojnë mirë”, ka thënë Zanetti.

“Ne shpresojmë ta mbyllim sa më shpejt”, shtoi ai.

Nëse Interi dështon të gjejë marrëveshje me Skriniar, PSG do të jenë skuadra favorite për të siguruar shërbimet e tij.