Armando Broja do ta mbajë mend gjatë golin e tij të parë me fanellën e Chelseat. Një koincidencë tepër interesante është se e shënoi më 8 tetor, në ditën e lindjes së babait të tij. Këtë gjë Broja e ka zbuluar nëpërmjet një statusi në “Instagram”, ku ka shkruar:

“Kam humbur fjalët për golin tim të parë me klubin e fëmijërisë. Faleminderit të gjithë fansave! Gëzuar ditëlindjen babi”.

Të shumta kanë qenë urimet dhe përgëzimet për talentin shqiptar, teksa spikat komenti i legjendës së Chelseat, John Terry, i bërë në “Instagramin” e Brojës.

“Urime shok”, shkroi Terry në postin e Brojës.