Franck Ribery merr vendimin e vështirë

Franck Ribery merr vendimin e vështirë

10:45, 07/10/2022

Mungon vetëm zyrtarizimi, por Franck Ribery ka marrë një vendim përfundimtar për të ardhmen dhe karrierën e tij si futbollist profesionist!

Sipas asaj që raporton e përditshmja italiane “Il Mattino”, sulmuesi francez do të “varë këpucët në gozhdë”.

Ky vendim është marrë për shkak të dëmtimeve të shumta që 39-vjeçari ka pësuar duke e mbajtur për shumë gjatë larg fushave të blerta.

Salernitana nuk është e gatshme që ta lërë të lirë francezin, pasi ndërprerja e njëanshme e kontratës do t’i kushtojë arkave të klubit nga Salerno plot 125 mijë euro neto në muaj dhe që nga momenti i zyrtarizimit të largimit nga futbolli i luajtur, Franck Riberynë e pret një e ardhme si drejtues me një kontratë të paktën deri më 30 qershor 2024.

Ky është viti i tij i dytë në Salerno, teksa aktualisht në këtë sezon, 39-vjeçari është aktivizuar vetëm në një ndeshje në Serinë A, duke mos shënuar dhe asistuar asnjë herë.

Gjatë karrierës së tij, ai ka mbajtur veshur fanellat e Metz, Gallatasaraji, Marsejë, Bayern Munchen dhe Fiorentina.

Në karrierën e tij, Ribery është shpallur 9 herë kampion i Gjermanisë, 6 herë fitues i Kupës së Gjermanisë, 4 herë fitues i Superkupës së Gjermanisë, 1 herë fitues i Kupës së Ligës në Gjermani, 1 herë fitues i Champions-it, 1 herë fitues i Kupës së Botës për klube, 1 herë fitues i Superkupës së Europës, 1 herë fitues i Kupës së Turqisë.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco