Ronaldinho është shprehur shumë i lumtur që miku i tij, Lionel Messi, tani luan për klubin në të cilin ai e kishte nisur karrierën evropiane në futboll, Paris Saint-Germain.

Messi i dha një përqafim të fortë Ronaldinhos para një ndeshjeje të Paris Saint-Germainit kundër RB Leipzig në Ligën e Kampionëve këtë muaj.

Messi dhe Ronaldinho u takuan në stadiumin Parc des Princes në Paris për pak çaste, kur argjentinasi po kryente nxemjen para takimit kundër ekipit gjerman.

Ishte një përqafim shumë emocional mes tyre dhe Messi u duk tejet i lumtur që e takoi ish-bashkëlojtarin dhe mësuesin e vet te Barcelona.

Ronaldinho, ish-lojtar i PSG-së, ishte në tribunën e stadiumit të Parisit për ta parë Messin duke shënuar dy gola në fitoren e vështirë 3:2 të PSG-së kundër Leipzig.

“Jam shumë i lumtur që e shoh atë në klubin ku e nisa karrierën në Evropë”, tha Ronaldinho.

Ronaldinho shkoi pastaj edhe në dhomat e zhveshjeve të PSG-së për ta takuar sërish Messin.

“Është diçka që nuk kam menduar se do të ndodhte ndonjëherë. Isha i bindur se ai do ta mbaronte karrierën në Barcelonë”

“Kur shkova në Barcelonë, flitej për një djalosh shumë të mirë. Pasi u stërvitëm së bashku, e kuptova që kjo ishte e vërtetë. Në çdo ndeshje dhe në çdo seancë stërvitore, ai ishte diçka tjetër. Ai u bë mik i vërtetë i imi”, shtoi ai.

Messi e kishte shënuar golin e parë profesional në karrierë pikërisht pasi ishte shërbyer nga Ronaldinho më 2005, para se të luante për tri vite e gjysmë me brazilianin në Camp Nou

View this post on Instagram

A post shared by Ronaldo de Assis Moreira (@ronaldinho)