Arabia Saudite po organizon ndeshjen miqësore mes një ekipi të përbërë nga lojtarë të dy klubeve më të mëdha (Al-Hilal dhe Al-Nasr) dhe gjigantit francez PSG, ku për herë të parë që nga viti 2018, trajneri legjendar i Arsenalit, Arsene Wenger do të ulet në pankinën e një ekipi.

Kjo ndeshje miqësore është planifikuar të zhvillohet në janar 2022 dhe është bërë e ditur se ekipi i përbërë nga lojtar të Al-Hilal dhe Al-Nasr do të udhëhiqet nga Arsene Wenger.

"Trajneri i madh Arsene Wenger ka nënshkruar një kontratë dhe do të udhëheqë yjet e Al-Hilal dhe Al-Nasr kundër PSG," u bë e ditur.

Wenger ishte menaxher i Arsenalit nga viti 1996 deri në 2018. Wenger aktualisht punon në FIFA si drejtues i zhvillimit të futbollit dhe kohët e fundit sugjeroi që Kupa Botërore të luhet çdo dy vjet, gjë që është ndeshur me shumë kritika nga sportdashësit e futbollit.