Edicioni i 67 -të i kompeticionit më të fortë evropian të klubeve fillon sonte, dhe i 30 -ti që kur u quajt Liga e Kampionëve.
Ekipet ndahen në tetë grupe me nga katër skuadra, dhe në fazën e eliminimit, do të vendosen dy më të mirët nga secili grup.
Shorti, i cili u hodh në fund të gushtit, na garanton disa ndeshje spektakolare, dhe fokusi i javës së parë të kompeticionit do të jetë dueli në “Camp Nou”, i cili do të luhet sonte në orën 21:00, në të cilin Barcelona do të përballet me Bayernin.
Dy skuadrat nuk kanë luajtur më që prej 14 gushtit 2020, kur gjermanët fituan me rezultatin e thellë 8-2 ndaj katalanasve, që në këtë takim do të tentojnë hakmarrjen.
Titullin evropian e mbron Chelsea, i cili është forcuar para sezonit të ri, ndërsa dy favoritët më të mëdhenj, sipas ekspertëve, janë Paris Saint Germain dhe Manchester City.
Nga ky sezon, rregulli i golit jashtë fushe nuk do të zbatohet në Ligën e Kampionëve, i cili do të sjellë më shumë emocion dhe lojë sulmuese në fazën nokaut të kompeticionit, e cila fillon më 15 shkurt.
Ndeshjet 1/8 luhen nga 15 shkurti deri më 16 mars, çerekfinalet janë caktuar nga 5 deri më 13 prill dhe ndeshjet gjysmëfinale nga 26 prilli deri më 4 maj.
Finalja do të luhet më 28 maj në Shën Petersburg në Stadiumin Krestovsky.
Çiftet e raundit të parë:
E martë:
Sevilla - Salzburg (18:45)
Young Boys - Manchester United (18:45)
Barcelona - Bayern (21:00)
Chelsea - Zenit (21:00)
Dynamo Kiev - Benfica (21:00)
Lille - Wolfsburg (21:00)
Malmo - Juventus (21:00)
Villarreal - Atlanta (21:00)
E mërkurë:
Besiktas JK - Borussia (18:45)
Sherif - Shakhtar (18:45)
Atletico - Porto (21:00)
Club Brugge - PSG (21:00)
Inter - Real (21:00)
Liverpool - Milano (21:00)
Manchester City - Leipzig (21:00)
Sporting - Ajaks (21:00)
© SYRI.net
Bëje LIKE dhe merr lajmin e fundit nga Sporti: