Formacionet zyrtare/ Ja si do të rreshtohen në fushë Laçi dhe Anderlehti

Formacionet zyrtare/ Ja si do të rreshtohen në fushë Laçi dhe Anderlehti

17:50, 05/08/2021

Takimi i parë i raundit të tretë të Konferencë Ligës mes Laçit dhe Anderlehtit do të luhet sot në orën 19:00 në “Elbasan Arena”, teksa kurbinasit do të tentojnë gjithçka për gjithçka.

Trajneri Shpëtim Duro gjatë gjithë javës i ka bërë llogaritë e formacionit për ndeshjen e parë me Anderlehtin pa praninë e Julian Shehut, i cili me kartonin e verdhë që mori në Rumani humbi mundësinë për të luajtur sot.

Por, dy ditë para ndeshjes kurbinasit kanë marrë një goditje edhe më të madhe, pasi kanë humbur edhe shërbimet e mesfushorit me tipare sulmuese, Mentor Mazrekaj, i cili shikohej si një nga promotorët e fazës ofensive të Laçit.

Madje, edhe belgët i druheshin 32- vjeçarit kosovar, ku mediat i bënin apel Anderlehtit që të kishin kujdes nga Mazrekaj dhe kujtonin dy golat e shënuar në kampionatin e fundit nga goditjet nga këndi.

Kësisoj teknikut kryeqytetas iu desh të improvizonte në formacion, teksa vendin e Shehut e ka zënë Qato, ndërkohë që në vend të Mazrekaj, është hedhur nga minuta e parë, Ilir Ademi, afrimi më i fundit në merkato i bardhezinjve, i cili do të bëjë kështu debutimin me Laçin.

Image

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco