Rrugët e merkatos nuk njohin fund. Aq më tepër kur flitet për emra si Kylien Mbappe e Cristiano Ronaldo. Prej javësh të përditshmet sportive shkruajnë se CR7 do të ishte zëvendësuesi i francezit në rast largimit të këtij të fundit nga Parisi.

Gjithçka varet nga oferta e Realit të Madridit që nuk pranon të shpenzojë shumicën e buxhetit për një lojtar në skadencë kontrate.

Në anë tjetër, Mbappe mezi pret të zbarkojë në kryeqytetin spanjoll ku do të gjejë edhe mikun Benzema.

Juventusi nuk kërkon të gjendet e papërgatitur dhe thuhet se ka një plan B, por më parë duhet të sistemojë portugezin, i cili nuk do të lejohet të largohet falas pasi do të shkaktonte humbje të rëndësishme në bilanc.

Një alternativë mund të ishte shkëmbimi me Icardin, i cili ka humbur vend në hierarkitë e Pochestinos. Argjentinasi do ta mirëpriste transferimin në Torino, por nuk mund të presë gjatë.

Për të interesohet Roma, që me ardhjen e Muorinhos në stol është bërë një klub shumë tërheqës për kampionë të ndryshëm të lojës me top. Gjithsesi, efektin domino mund ta shkak tojë vetëm Mbappe.

Ky i fundit kërkoi largimin që kur ishte i grumbulluar me Francën në Europian, por së shpejti do të ketë një takim më drejtuesit për të gjetur një zgjidhje që do ta ndihmonte të realizonte ëndrrën madrilene.