Egjiptiani Ezeldin Bahader është futur në librin e rekordeve Gines, si lojtari më i vjetër në histori të futbollit, që aktivizohet në një ndeshje.

Në moshën 74-vjeçare, Bahader bëhet futbollisti më i vjetër që aktivizohet, teksa ka luajtur në ndeshjes e 6 tetorit përballë El Ajat Sports, në ligën e tretë egjiptiane.

74-vjeçari kishte marrë të drejtën për të luajtur që në janar të këtij viti dhe po përgatitej për të zhvilluar një ndeshje në mars, por me shpërthimin e pandemisë, gjithçka u bë e pamundur dhe tashmë ai luajti në tetor.

Pas përfundimit të sfidës, ku skuadra e Bahader u mposht me rezultatin 3-2, emri i lojtarit 74-vjeçar u fut në librin e rekordeve Gines, teksa mori edhe një çmim për këtë arritje.