Ivan Gennaro Gattuso, trajneri italian i Napolit, po merr shumë lavdërime në mediat sociale, pasi mbajti një qëndrim solidar për punonjësit e klubit.

Trajneri i të kaltërve, siç theksojnë nga Italia, ka hequr dorë nga paga e tij e plotë e këtij muaji në mënyrë që punonjësit e Napolit të mund të marrin të gjithë pagën e tyre.

Napoli i drejtuar nga ish-mesfushori ka mbetur jashtë garës për titullin, por ekzistojnë ende mundësitë që të kualifikohet në Champions, teksa takimi i parë i fazës së 1/8-ave kundër Barcelonës në “Camp Nou” u mbyll në barazim 1-1.