Marco van Basten ka shfrytëzuar situatën kaotike që është krijuar nga koronavirusi për të sulmuar futbollin në ditën e sotme.
Sipas legjendës së Holandës, klubet po funksionojnë gjithnjë e më shumë si kompani. Kujdesi më i madh është për bilancin dhe janë gjithmonë e më të rralla shpenzimet e çmendura që mund të rëndojnë bilancet e klubeve.
“Futbolli po bëhet gjithmonë e më shumë një biznes, në të cilin paraja dhe buxheti janë e vetmja gjë që ka rëndësi, sepse sa më shumë të ardhura ka një klub, aq më të mirë janë lojtarët që mund të blihen”.
“Ka disa klube që po bëhen gjithmonë e më të vegjël, dhe më vjen shumë keq për këtë. Besoj se UEFA duhet të bëjë të mundur që klubet t’i afrohen sa më shumë njëri-tjetrit, në vend që diferenca mes tyre të thellohet gjithnjë e më shumë, siç ka ndodhur në 25 vitet e fundit”, ka thënë Van Basten.
© SYRI.net
Bëje LIKE dhe merr lajmin e fundit nga Sporti: