Barcelona fiton por nuk bind.
Katalanasit mposhtën me rezultatin 2-1 skuadrën e Getafes në ndeshjen e vlefshme për javën e 24 në La Liga.
Ishte fillimisht minuta e 33’, kur Antoine Griezmann shfrytëzoi një asistim perfekt nga Lionel Messi, për të zhbllokuar shifrat e këtij takimi.
Vetëm gjashtë minuta më vonë, Sergi Roberto i asistuar nga Junior Firpo dyfishoi avantazhin e kampionëve të La Liga.
Në pjesën e dytë, Getafe ushtroi një presing fenomenal, duke tregoi superioritet në fushën e blertë. Lodhja e miqve u shpërble në minutën e 66’, teksa shënuan me anë të Angel Rodriguez, për të mbajtur Barçën në presion deri në vërshëllimën e fundit.
Ndërkohë nuk kishte vend për Rei Manajn në këtë ndeshje, teksa ishte thirrur, por qëndroi gjatë gjithë kohës në stolin e rezervave, pasi trajneri Setien, vendosi të mos e aktivizojë.
Me këtë fitore, Barca barazon përkohësisht me pikë (52) Real Madridin, për të mbajtur vendin e dytë në renditjen e La Ligas.
© SYRI.net
Bëje LIKE dhe merr lajmin e fundit nga Sporti: