Cristiano Ronaldo nuk do të respektojë kontratën e tij dhe pritet të largohet nga Juventusi para vitit 2022.

Ky është lajmi i bujshëm i publikuar ditën e sotme nga e përditshmja italiane “La Repubblica” e cila nënvizon se Ronaldo iu ka bërë thirrje drejtuesve të Juventusit që të bëjnë blerje të mëdha gjatë verës.

Në rast se skuadra nuk bën ndryshime të mëdha, atëherë Ronaldo do të detyrohet të largohet drejt një tjetër destinacioni ku PSG-ja dhe Manchester United e presin krahë hapur.

Eliminimi nga Champions League ka qenë shumë dëshpërues për portugezin 5 herë fitues të “Topit të Artë”.