Tirana dhe Teuta zhvilluan mes tyre në “Selman Stërmasi” ndeshjen e parë të javës së 20-të të Kategorisë Superiore, shkruan Syri.net.
Ky takim u mbyll në barazim 1-1, ku të dy golat u shënuan në fraksionin e parë të lojës.
Skuadra durrsake kaloi mjaft shpejt në avantazh, që në minutën e dytë. Frashëri krosoi nga e djathta dhe Progni brenda zone me kokë gjuan saktë, duke e dërguar topin në rrjetë.
Bardheblutë reagojnë në të 38’. Ngo barazon shifrat pas një aksioni model, teksa duke festuar tifozët e Tiranës shembin rrethimin e “Selman Stërmasit”.
Në minutat e mbetura të pjesës së parë, por edhe në 45’ e dyta nuk ka më gol dhe të dy ekipet ndajnë nga 1 pikë.
Tirana ngjitet në kuotën e 21 pikëve në vend të shtatë, ndërsa Teuta kalon përkohësisht kukësin, duke u ngjitur e dyta.
© SYRI.net
Bëje LIKE dhe merr lajmin e fundit nga Sporti: