SYRI TV/ Shqipëria në ditën më të nxehtë të vitit, rritet numri i pacientëve në qendrat shëndetësore

Rritja e lartë e tempraturave në vendin tonë,  ka bërë që qytetarët në Berat ti drejtohen lulishtes dhe shatërvaneve të qytetit për  tu freskuar. Ata shprehen se është e pamundur që të levizin gjatë orëvë të pikut për shkak se nxehtësia në rrugët me kalldrëm është përvëluese. Ndërkohë mosha e tretë shton se nuk kanë mundësi të frekuentojnë plazhet pasi me pencionet që marrin nuk I përballojnë dot shpenzimet.

Temperaturat ekstreme të kësaj të shtune ka bërë që rrugët e qytetit të Beratit boshatisen, ndërkohë që në Pedonale rrugët me kalldrëm përvëlojnë  nga nxehtësia që përcjellin gurët.

Kjo ka bërë që qytetarët ti drejtohen hijeve të lulishteve osë të freskohen pranë një shatërvani të vogël që ndodhet brenda qytetit. Pjesa më e rrezikuar nga I nxehti janë moshat e treta të cilët detyrohen ti kalojnë në shtëpi orët e pikut.

Pensionistët e Beratit thonë se do preferonin ti kalonin në plazh këto ditë të nxehta por e kanë të pamundur për shkak të cmimeve të papërballueshme.

Temperaturat e larta të këtyre ditëve kanë favorizuar vec të tjerash edhe përpahjen e zjarreve në vend.