SYRI TV/ Mjerimi i familjes së Pashk Lalës në Kurbin, dy të moshuar jetojnë në kasolle bagëtish

Kur shteti të braktis, duke të mbyllur dyert, mjerimi triumfon dhe shkaton drama njerëzore. Kështu mund të përmblidhet historia e 85 vjeçarit Pashk Lala dhe bashkëshortes së tij, që pej 6 vjetësh jetojnë në kasollen e bagëtive. Të moshuarit nga Kurbini, humbën banesën nga tërmeti tragjik i nëntorit 2019, ndërsa prej gjashtë vjetësh bashkia i ka lënë në pa strehë.

Kjo ndërtesë, deri para pak kohësh shërbente si kasolle për bagëtitë, por për shkak të mjerimit dhe braktisjes nga shteti, 85 vjeçari Pashk Lala dhe bashkëshortja e tij, përdorin këtë kasolle bagëtish si strehë të tyren.

Banesa e familjes së Pashkë Lalës u shkatërrua nga tërmeti i nëntorit 2019, ndërsa gjashtë vjet më vonë, bashkia e Kurbinit dhe qeveria, jo vetëm nuk u kanë rindërtuar banesën, por i kanë lënë të zhyten në mjerim.

Pashk Lala, dikur ish-të përndjekur politik në Kurbin, edhe sot nënq everisjen e Edi Ramës, e konsiderojnë veten njëjtë si në regjimin e Enver Hoxhës, për shkak se prej gjashtë vitesh institucionet i kanë mbyllur dyert, duke e lënë të pastrehë.

Ai kërkon ndihmë, teksa ka humbur shpresat nga bashkia e Kurbinit, që çështjen e strehimit duhet ta zgjidhte shumë kohë më parë.