Nga Floriana Garo.

Surrogatia nxit nje kulture individualizmi. Individet jane me lehtesisht te manipulueshem!

Te nderuar pjesemarres, i nderuar Kryetari i Partise Demokatike Prof. Dr. Sali Berisha!

Në epokën ku përparimet teknologjike duket se diktojnë rrjedhën e jetës sonë, është thelbësore të bëjmë një hap pas dhe të rishqyrtojmë vlerat që kanë shërbyer si bazë e shoqërisë shqiptare për një kohë shumë të gjatë.

Si të djathtë, ne mbrojmë shenjtërinë e familjes dhe rolin e saj paresor për mirëqenien e shoqërisë por edhe individëve ne Shqiperi.

Në këtë konference kaq te rendesishme sot, le te hedhim drite per te gjithe ata qe na ndjekin mbi ndikimet tejet dëmtuese te surrogatise, e ne te njejten kohe, te ngreme ne piedestalin qe meriton perqafimin e gjithçkaje që është natyrale.

Une kam 2 femije te vegjel, Adia dhe Priam, te cilet kane ardhur ne jete nga dashuria mes meje dhe bashkeshortit tim por edhe si dhurate e Zotit. Ne fakt lindja e cdo femije duhet te jete dhurate e Zotit duke krijuar keshtu nje familje te shendetshme me nenen, babain dhe femijen. Ta porositesh e ta blesh femijen tend e zhben natyren.

Në zemër të konservatorizmit te cilin ne te djathtet e perqafojme, qëndron një adhurim i thellë për traditën, e cila ka duruar sprova te medha të kohës. Ne besojme se familja, e përbërë nga nena, babai, dhe fëmija, shërben si guri me themelor i një shoqërie te qendrueshme dhe te zhvilluar.

Nderkohe, propozimi per te sjelle surrogacine ne vendin tone e per ta bere ate te ligjshme, kërcënon ta shkelë këtë strukturë delikate duke e kthyer ne thjesht pazar vetë esencën e prindërimit.

Duke e pranuar surrogacinë, ne shkojme te udhehequr nga qeveria jone drejt një kulture individualizmi qe promovon individet dhe zhben familjen.

Individet jane shume me thjesht te manipulueshem sesa familjet e forta !

Surrogatia redukton aktin e shenjtë te sjelljes ne jete te nje femije thjesht ne nje transaksion, pa emocionet dhe dimensionet shpirtërore të prindërimit. Duke lejuar e promovuar surrogacine, ne rrezikojmë zhberjen e esencës së dashurisë dhe lidhjes familjare. Me pas gjithcka, kthehet në një marrëveshje kontraktuale.

Ne do ktheheshim, ne kete forme, ne shoqeri me një gamë te gjere dilemash etike dhe ceshtjesh komplekse ligjore. Me kete praktike, deri tani te ndaluar ne vendet e zhvilluara, shfrytezohen grate me të ardhura të ulëta ekonomike, të cilat genjehen ne te pranuarit te behen nëna surrogatë, pa i kuptuar plotesisht kostot fizike dhe emocionale që ato marrin persiper.

Duke prioritizuar dëshirat e prinderve bleres ose grave të pasura që kërkojnë të realizojnë ëndrrat e tyre për tu bere prind, ne zhytemi edhe me thelle një sistem të pabarazisë dhe shfrytëzimit. Ne kete menyre vetem e ulim shoqerine tone, ne vend qe ta lartesojme ate.

Surrogacia zvogëlon rëndësinë e lidhjeve biologjike dhe përgjegjësive prindërore, duke krijuar një kulturë të heqjes dorë dhe te shkëputjes.

Si mund te ndahet femija nga nena qe e ka mbajtur ne bark per 9 muaj? …e ka ushqyer, ka ndjere zerin e saj, ka perjetuar cdo emocion, mund te kete rrezikuar edhe jeten, e me pas, nena as nuk lejohet ta shohe me femijen, pasi keshtu eshte perpiluar ne kontraten qe ka nenshkruar. Asaj i vjen qumeshti dhe nuk mund ta ushqeje femijen. Prinderit bleres kane cdo te drejte mbi foshnjen.

Fëmijët qe vijne ne jete përmes surrogacisë do të përballen me çështje identiteti dhe me dijeninë se ekzistenca e tyre u mundësua përmes teknologjise, e jo permes dashurisë natyrale te prinderve te tyre biologjikë.

Tregetia e riprodhimit përmes surrogacisë e kthen ne tregeti vetë jetën njerëzore, duke zvogëluar individët në thjesht mallra për të blerë dhe për të shitur në treg. Duke e pranuar këtë praktikë, ne zvogelojme shenjterine e jetës njerëzore dhe zhvillojme ne ekstrem kulturen e konsumerizmit, ku çdo gjë, duke përfshirë mrekullia e lindjes, është një transaksion komercial.

Është detyra jonë, si te djathte e mbrojtës të tradites e familjes, të rezistojmë ndaj shortcuteve teknologjike dhe të luftojme fort, te gjithe bashke, per ruajtur shenjtërinë e familjes.

Ne duhet të kultivojmë dhe promovojme një kulturë që nxit lindjet natyrale dhe shtimin e popullsise shqiptare. Duke luftuar per dinjitetin e çdo jete njerëzore dhe duke e njohur rolin e padiskutueshëm të prindërve në formimin e gjeneratës së ardhshme, ne mund të kultivojmë një shoqëri të bazuar në vlera të forta familjare dhe integritet moral.

Te dashur miq dhe pjesemarres, le ta kundershtojme fort surrogatine ne Shqiperi ! Vetëm me angazhimin tonë ne nxitjen e lindjeve natyrale dhe lidhjeve te forta familjare mund të sigurojmë një shoqëri më të shëndetshme, më të bashkuar dhe me te zhvilluar për brezat që vijnë.

Le të behemi bashke në mbrojtjen e familjes, sepse ajo është guri me themelor mbi të cilin qëndron e ardhmja jonë kolektive.

Faleminderit!