Prej 10 vitesh është emigrant në SHBA, por nuk harron të bëjë bamirësi për njerëzit në nevojë të vendlindjes së tij.

I riu nga Fieri Flori Bushi, ish-banor i fshatit Lalar të njësisë administrative Portëz, prej 5 vitesh në prag të ndërrimit të viteve, u vjen në ndihmë familjeve të varfëra në bashkitë Fier, Patos dhe Mallakastër.

Këtë fundvit ai ka mundësuar 50 pako ushqimore me vlerë rreth 5 mijë lekë secila, për familjet më të varfëra të këtyre zonave. Kjo praktikë është kryer prej tij për 5 vite me radhë, për t’i bërë sadopak të lumtura këto familje në ndërrimin e viteve.