Fermerët në Bashkinë e Gjirokastrës prej kohësh nuk marrin subvencione pavarësisht propagandës së qeverisë dhe ministres së bujqësisë, që deklaron miliona euro mbështetje për bujqësinë.

Për SYRI TV blegtorë të rrethit të Gjirokastrës, të njohur për traditën e kopeve me bagëti, tregojnë se nuk janë mbështetur kurrë financiarisht nga qeveria, ndërkohë që shpenzimet i kanë të mëdha.

Barinjtë komentojnë edhe deklaratat e ministres për ‘Akademinë e Çobanëve’, duke e cilësuar këtë si tallje.

Sipas tyre, blegtorët nuk kanë nevojë për akademi, por për mbështetje financiare për fermat e tyre.