Futbollisti francez Paul Pogba citoi deklaratën e Jose Mourinhos në një mesazh që ai u dërgoi bashkëlojtarëve të tij përpara finales së Kupës së Botës në Katar kundër Argjentinës.

Pogba nuk ishte pjesë e skuadrës franceze për shkak të dëmtimit, por edhe pa të, trengjyrëshit treguan pse janë një nga skuadrat më të forta në botë dhe pavarësisht problemeve të shumta me dëmtimet, arritën në një tjetër finale, e dyta rresht, dhe do të përpiqet të mbrojë kundër Argjentinës titullin e fituar në Rusi katër vjet më parë.

Mesfushori citoi deklaratën e Jose Mourinhos në vitin 2010, kur portugezi u tha lojtarëve të Interit se "finalja nuk luhet, por fitohet", megjithëse dyshja e përmendur nuk kanë qenë në marrëdhënie të mira që nga koha e tyre në Manchester United.

“Për të dytën herë radhazi jemi në finalen e Kupës së Botës. Dua t’i dhuroj të gjithë shokëve të kombëtares mbështetjen time, forca. Një gjë dihet; finalet nuk luhen, ato fitohen”, përfundoi Pogba mesazhin për shokët e kombëtares.

Petit 𝗺𝗲𝘀𝘀𝗮𝗴𝗲 𝗱𝗲 𝘀𝗼𝘂𝘁𝗶𝗲𝗻 de @paulpogba pour nos Bleus avant la grande finale 💪💙#FiersdetreBleus pic.twitter.com/x6tbqvqJvp

— Equipe de France ⭐⭐ (@equipedefrance) December 17, 2022

Finalja e Botërorit në Katar luhet sot duke filluar nga ora 16:00