Presidenti francez Emmanuel Macron do të udhëtojë në Katar, për të ndjekur nga afër gjysmëfinalen e Kupës së Botës, që Franca dhe Maroku do të luajnë të mërkurën.

Ministrja e Sporteve, Amelie Oudea-Castera, e cila ndoqi ndeshjen çerekfinale të së shtunës mbrëma kundër Anglisë, e bëri publik këtë lajm në radion “France Info”.

“Do të kthehem të mërkurën me presidentin”, tha ajo, e cila më tej kujtoi se Macron tashmë kishte premtuar se do të udhëtonte në Katar nëse kombëtarja franceze kualifikohej në gjysmëfinale.