Zvicra fitoi mes spektaklit dhe tensioneve, me rezultatin 3-2 ndaj Serbisë, ndeshjen e vlefshme për fazën e grupeve në Kupën e Botës 'Katar 2022'.
Gjatë sfidës ka patur momente acarimi, teksa nuk kanë munguar provokimet nga ana e serbëve pas golit të dytë që u dha atyre epërsinë e parakohshme.
Trajneri i kombëtares së Serbisë, Dragan Stojkovic ka shkaktuar një skandal të vërtetë pasi shau në mënyrë të pahijshme futbollistët zviceranë me origjinë shqiptare pas golit të Dushan Vlahovic. Por edhe ky i fundit nuk ngelej pas në morinë e skandaleve të turpshme të serbëve teksa preku organin gjenital, duke provokuar rëndë tensionet gjatë ndeshjes.
“Të q*** nënë shqiptar!”, ka thënë trajneri i serbëve.
PIKSI NAJJAČI pic.twitter.com/XCX585LqvV
— Nadrkana od malena (@uvek_nadrkana) December 2, 2022
Mbetet për t'u parë nëse FIFA do të marrë masa ndaj trajnerit serb Dragan Stojkoviç.
Këtij provokimi i është përgjigjur, Xhaka i cili ia ktheu me të njëjtën mënyrë kur Zvicra mori epërsinë e sfidës.
Kujtojmë që botërorin e kaluar, 'Rusi 2018', Xhaka dhe Shaqiri u dënuan nga FIFA thjeshtë e vetëm se bënë simbolin e shqiponjës, pas golave të shënuara në portën e serbëve.
Kombëtarja helvete u kualifikua në fazën e 1/8 të Kupës së Botës ku përballë do të ketë Portugalinë.
© SYRI.net