Futbollistët e Meksikës u eliminuan në fazën e grupeve të Kupës së Botës në Katar për shkak të golavarazhit më të keq se Polonia, dhe një video e një tifozi të dëshpëruar që nuk mund të duronte se si u eliminua kombëtarja e tij dhe që e shfrynte zemërimin në një televizor po qarkullon në internet.
Në ndeshjen e fundit, meksikanët mundën Arabinë Saudite me rezultat 2-1, dhe me barazimin ndaj Polonisë në raundin e parë dhe humbjen 2-0 ndaj Argjentinës, nuk u mjaftoi atyre për të shkuar më tej, kështu që u eliminuan nga mesi i kombëtareve më të mira botërore.
Është e qartë se kur kombëtarja bie pas një ndërthurje të tillë rrethanash, tifozët e marrin edhe më të rëndë dështimin dhe zhgënjimi i tyre është edhe më i madh, dhe përfaqësimi më i mirë i kësaj është videoja që qarkullon aktualisht në internet, e cila tregon një tifoz të dëshpëruar as nuk di si të sillet për shkak të dëshpërimit të skajshëm .
Reakcija nakon ne prolaska dalje reprezentacije Meksika pic.twitter.com/4lAmNJIrvG
— Igor Čobanović (@DaZivimSan) December 1, 2022
Fillimisht ka thyer televizorin me grushte, e më pas ka marrë një thikë dhe e ka shkatërruar plotësisht. Bashkë me inatin që shpërtheu, në zërin e tij mund të dëgjohet qartë dëshpërimi që ndjeu për eliminimin tragjik të kombëtares së tij.
Kujtojmë se Polonia në fazën e 1/8-ave do të luajë kundër Francës, ndërsa Argjentina si e para nga ky grup do të luajë kundër Australisë.
© SYRI.net