Në Katar po luhet një nga ato sfida që mund të cilësohen si finale të parakohshme, ajo mes Spanjës dhe Gjermanisë, një takim me rëndësi të jashtëzakonshme për skuadrën e Hansi Flick, që është e vetmja me zero pikë në grup.

Përballja nisi vrullshëm, ku në minutën e 7-të Dani Olmo godet nga jashtë zone, por Neuer grushton dhe ndihmohet nga traversa për të shmangur golin.

Në minutën e 22’, Jordi Alba lëshon një goditje me të djathtën nga distanca, por topi kalon ngjitur me shtyllën e portës së Neuer dhe përfundon jashtë.

Në minutën e 25 ka reaguar dhe Gjermania që përfiton nga një largim i keq i Unai Simon, por gjuajtja e Gnabry përfundon jashë.

Në minutën e 40',Gjermania gjen golin me anë të Rudiger, që shënon me kokë, por festa ndalet shpejt nga VAR-i, që sinjalizon një pozicion jashtë loje të mbrojtësit të Realit të Madridit

Statistikat e pjesës së parë