Argjentina dhe Meksika nuk janë takuar ende, do të përballen këtë të shtunë, por sfida ka nisur.

Një kor i tifozëve meksikanë që po shanin Leo Messin, ka bërë të nisin një seri zënkash që pak nga pak u transformuan në përplasje të vërteta në rrugë.

Trazira që u vunë nën kontroll nga forcat e rendit, që ndërhynë menjëherë.

Siç pasqyrojnë edhe filmime dhe foto të ndryshme të shfaqura në rrjetet sociale, të plagosurit nuk janë pak.

Mexico - Argentina se juega el sábado y acaba de pasar esto en el fan fest: pic.twitter.com/YGjgK3Gx6F

— Teo Coquet (@TeoCoquet) November 24, 2022

Të dyja kombëtaret e kanë nisur Botërorin me frena dore, dhe të shtunën sfida mes tyre është një nga ato për brenda apo jashtë kompeticionit, me Argjentinën që rrezikon më tepër.

Tensioni është prezent, por ndërkohë tifozët argjentinas e kanë bërë të qartë se nuk lejojnë t’u shash Messin, kapitenin e kombëtares albiceleste dhe idhullin e madh të tyre.

Argjentinë-Meksikë, do luhet të shtunën e 26 nëntorit në orën  20:00.