Cristiano Ronaldo është provokuar mjaft nga festimi i golit të lojtarit të Ganës Osman Bukari në startin e Botërorit në Katar.
Portugalia mposhti me rezultat 3-2 Ganën dhe kështu nisën me sukses Botërorin. Megjithatë, ishte një takim shumë dramatik me shumë emocione.
Portugalia kishte dy gola epërsi, kështu që trajneri Fernando Santos nxori disa nga lojtarët e tij më të rëndësishëm, përfshirë Cristiano Ronaldon.
Mirëpo, lehtësinë e portugezit e ndërpreu sulmuesi ganez, Osman Bukari, i cili shënoi në minutën e 89-të dhe kështu solli dramë në këtë ndeshje. Goli u pasua nga një festë goli që provokoi Ronaldon.
Bukari scored against Portugal and did the suuui celebration, Ronaldo felt like dying😂🙌 pic.twitter.com/vu84r1HLPG
— Acholi goddd (@sk_bongomin93) November 25, 2022
Bukari kopjoi festën e famshme “siuu” të Ronaldos. Kapiteni i Portugalisë nuk u gëzua kur pa një gjë të tillë, por u pa mjaft i mërzitur me gjestin.
Një video e reagimit të frustruar të Ronaldos pas festës së Bukarit u përhap me shpejtësi në rrjetet sociale. Megjithatë, Gana nuk arriti të shënonte edhe një gol deri në fund, ndaj Ronaldo kishte shumë më tepër arsye për të festuar.
© SYRI.net