Me ndeshjet në grupet A dhe B fillon sot xhiroja e dytë e Botërorit në Katar dhe më interesante pritet të jetë përballja mes Anglisë dhe Shteteve të Bashkuara të Amerikës.

Programi fillon në orën 11:00 me ndeshjen mes Uellsit dhe Iranit, e cila mund të jetë shumë e rëndësishme kur bëhet fjalë për luftën për vendin e dytë në grup.

Në turin e parë uellsianët fituan një pikë ndaj amerikanëve dhe me një triumf të mundshëm do të hidhnin një hap të rëndësishëm drejt fazës tjetër, ndërsa Iranit i jepet shumë pak shanse pas disfatës së rëndë ndaj Anglisë 6-2. Megjithatë, iranianët do të përpiqen të përmirësojnë përshtypjen dhe t'i bashkohen luftës për vendin e dytë.

E njëjta gjë vlen edhe për kombëtaret e Katarit dhe Senegalit, të cilat takohen nga ora 14:00. Të dyja kombëtaret pësuan humbje në startin e kampionatit dhe gjykuar nga ajo që u shfaq, Senegali është favorit ndaj mikpritësve.

Një emocion disi më i madh na pret në ndeshjen e pasdites dhe nga ora 17:00 do të shohim përplasjen mes Holandës dhe Ekuadorit.

Të dyja skuadrat kanë mundësinë që thuajse të sigurojnë 1/8-at me një fitore të mundshme dhe gjykuar nga ajo që u shfaq në turin e parë, tulipanët, favorit, do të kenë një detyrë të vështirë ndaj amerikano-jugorëve të pakëndshëm.

Në fund, Anglia dhe Shtetet e Bashkuara takohen në orën 20:00. Anglezët mposhtën Iranin dhe i bënë të qarta synimet e tyre për titull, ndërsa Amerika impresionoi në një pjesë të ndeshjes kundër Uellsit me lojën e tyre sulmuese dhe presionin e lartë.

Megjithatë, “Tre Luanët” janë  favorit të mëdhenj dhe çdo gjë përveç një fitoreje të sigurt që do të hapte derën për në raundin e dytë do të ishte një surprizë vërtet e madhe.

Oraret:

Uells - Iran (11:00)

Katar - Senegal (14:00)

Holandë - Ekuador (17:00)

Angli - SHBA (20:00)