Vazhdon mallkimi i Robert Lewandowskit në Kampionatet Botërorë.
Ylli i Polonisë, ndonëse është prej vitesh një nga bomberët më të mirë në qarkullim, vazhdon të mos gjejë rrugën e rrjetës në këtë turne dhe mallkimi i tij goditi edhe sot kur Guillermo Ochoa i Meksikës i priti gjuajtjen nga pika e bardhë në barazimin 0-0.
Kështu, Lewandowski shënon 4 ndeshje tashmë në Botëror dhe zero gola.
Por këtë herë, ndeshja e katërt dhe penalltia që iu prit, regjistroi një statistikë unike në historinë e Kampionateve Botërore.
Lewandowski dhe Ochoa ishin të dy kapitenët e përfaqësueseve përkatëse në këtë sfidë dhe kjo ishte hera e parë, në të gjitha edicionet e turneut, kur një kapiten, i priste penalltinë një tjetri në fazën finale të tij.
Diçka që e bën Levën pjesë të historisë së Botërorit, për fatin e keq të tij, jo siç dëshironte ai.
© SYRI.net