Eurodeputeti Knut Fleckenstein ka deklaruar sot nga Tirana se nuk ka kushte shtesë për Shqipërinë për çeljen e negociatave për anëtarësim në BE veç zgjedhjeve të lira dhe 5 prioriteteve kyç, duke hedhur poshtë kështu mundësinë që Greqia të shtojë një kusht për çështjen e pronave të minoritetit në Shqipëri.

“Për herë të parë nuk shoh ndonjë kusht shtesë , - tha Fleckenstein i pyetur nga gazetarët për kërcënimin e Greqisë. - Ne gjithnjë kemi folur për zgjedhjet dhe 5 prioritetet kyçe që duhet të zbatohen dhe nuk do të ishte e drejtë të kishte kushte të tjera shtesë për çeljen e negociatave.

Për këtë do të presim edhe raportin e kolegëve tanë italianë, që bëjnë fluturime në Shqipëri dhe do të shohim edhe rezultatin e këtyre fluturimeve.

Është vërtet çështje serioze dhe ajo që duam ne është se duhet punë për të pasur një situatë të mirë në të ardhmen.”