Kryetari i Partisë Demokratike, Sali Berisha, publikoi pamje të shqiptarëve që po bëhen gati për mitingun kombëtar sot në mbrëmje.

“Shqiptarët nga të katër anët e dheut po vërshojnë sot nga toka, ajri dhe deti drejt Tiranës. Zoti i bekoftë!” shkruan Berisha.

Sot më 4 korrik është paralajmëruar protestë kombëtare.

Mijëra shqiptarë nga diaspora kanë mbërritur që në orët e para në Shqipëri për të qenë të pranishëm.

Kujtojmë se më 20 qershor, protesta kombëtare me praninë e diasporës shënoi një rekord historik në vendin tonë.