Kryetari i Partisë Demokratike, Sali Berisha, ka përshëndetur vendimin e BE-së për heqjen e të gjitha sanksioneve ndaj Kosovës. Në një reagim në rrjetet sociale, Berisha thekson se kjo është një arritje e rëndësishme për vendin dhe një goditje e merituar për ‘dyshen famëzeze të Ballkanit’, Edi Rama dhe Aleksandër Vuçiç, për qëndrimet e tyre armiqësore ndaj Kosovës.

Reagimi i kreut të PD, Sali Berisha:

Një vendim i drejtë i BE-së për Kosovën.

Të dashur miq, Bashkimi Europian hoqi të gjitha sanksionet për Kosovën. Partia Demokratike përshëndet Kosovën për këtë arritje të re e të rëndësishme.

PD shton se ky vendim është një goditje e rëndë dhe e merituar për dyshen famëzezë të Ballkanit Rama-Vuçiç dhe qëndrimet e tyre armiqësore ndaj Kosovës!