Intervista e Ahmetajt/ Berisha: Për Altin Troplinin, pengmarrja për hir të kunatit të floririt nuk është krim

Kryetari i PD, Sali Berisha, publikoi pjesë nga intervista e Arben Ahmetajt në Çim Peka LIVE, ku ai shprehet i habitur se pse nuk janë hetuar pengmarrjet e Gerond Meçes dhe Daniel Shimës, të dyja të lidhura me AKSHI-n, i njohur ndryshe edhe si kopshti privat i Edi Ramës.

“Për Altin Troplinin, “Pojen e Skapit” pengmarrja për hir të kunatit të floririt nuk është krim,” shkruan Berisha.

Gjatë intervistës në SYRI TV, Ahmetaj tha se zëvendësdrejtori i AKSHI-t, Daniel Shima, është rrëmbyer pas rrëmbimit të biznesmenit Gerond Meçe.

“Mund të më thoni si ka mundësi që zoti Dumani nuk heton, brenda të njëjtës strukturë kriminale, rrëmbimin e Danielit.

Po tallje me popullin shqiptar është kjo?

Si ka mundësi mo?

Danieli është rrëmbyer pasi është rrëmbyer Gerondi në kohë.

Unë po të isha në vend të tij nuk do të guxoja ta bëjë këtë.

Se një ditë do dalin këto.

Është si ajo prokurori tjetër i Spakut, që ne nuk e dimë kush ka qenë, por e dimë që nuk ka qenë vëllai i kryeministrit,” tha Ahmetaj.