Gjyqi politik ndaj presidentit të PL, Blushi e Cakrani akuza procesit: Zero prova penale për Ilir Metën

Sekretari i Përgjithshëm i Partisë së Lirisë, Tedi Blushi, dhe avokati mbrojtës i ish-presidentit Ilir Meta, Kujtim Cakrani, gjatë një konference të përbashkët për shtyp, deklaruan se ndaj kreut të Partisë së Lirisë  ka rënë çdo akuzë dhe po mbahet në burg pa asnjë provë, me urdhër politik nga kryeministri Edi Rama. Blushi i bëri thirrje sistemit të drejtësisë që të rikthehet në shinat e ligjit dhe të mos veprojë sipas porosive politike. Nga ana tjetër, avokati Kujtim Cakrani theksoi se nuk do të pranohet gjykimi i shkurtuar teksa paralajmëroi se raporti i Avokatit të Popullit që nxori zbuluar mashtrimet e gënjeshtrat e policisë së shtetit do të shkojë në çdo institucion ndërkombëtar.

Syri tv

Sekretari i përgjithshëm i Partisë së Lirisë Tedi Blushi dhe Avokati Kujtim Cakrani dolën në një deklaratë për mediat duke denoncuar se Ilir Meta po mbahet në burg pa asnjë provë. Kujtim Carkani, tha se për arrestimin e Metës nuk ka procesverbal dhe është mbajtur 3 orë në Drejtorinë e Policisë së Tiranës pa vendim gjykate. Crakrani tha se rekomandimet e Avokatit të Popullit do ti shkojnë Gjykatës Kushtetuese si dhe çdo institucioni ndërkombëtar.

Nga ana tjetër Tedi Blushi deklaroi se sistemi i drejtësisë duhet të reflektojë duke mos vepruar sipas porosive politike të Edi Ramës për ta indimiduar dhe kërcënuar. Blushi kishte akuza edhe për Altin Dumanin lidhur me dëshmitarët ku tha se nuk është Meta që i intimidon por kreu i SPAK.

Mbrojtja ligjore e Ilir Metës paralajmëroi se nuk do të pranohet gjykimi i shkurtuar, pasi do të përballët dhe rrëzojë në themel çdo akuzë dhe me çdo dëshmitarë.