Bashkimi Evropian ka reaguar pas fikjes së sinjalit të transmetimit të Tv News24. Përmes një statusi në faqen zyrtare në Facebook, Zyra e BE-së në Tiranë, thekson se unioni po ndjek nga afër situatën, lidhur me Focus Media Group dhe mediat e saj.
Zyra e Bashkimit Evropian në Tiranë teksa bën thirrje që mosmarrëveshjet mes palëve të përfshira duhet të zgjidhen konform ligjit dhe procedurave ligjore, me rëndësi është që çdo veprim i ndërmarrë të mos cenojë mundësinë e gazetarëve për të ushtruar lirinë e tyre në përcjelljen e informacionit dhe për të ruajtur konfidencialitetin e burimeve të tyre.
‘Këto janë aspekte thelbësore të lirisë dhe pluralizmit të medias, që janë kritike për garantimin e shtetit të së drejtës’, thekson Zyra e BE-së në Tiranë, në reagimin e saj në facebook.
Reagimi
Ne po ndjekim nga afër situatën lidhur me Focus Media Group dhe mediat e saj.
Mosmarrëveshjet midis të gjitha palëve të përfshira duhet të zgjidhen duke respektuar plotësisht ligjshmërinë dhe procedurat e rregullta ligjore.
Në këtë kontekst, është e rëndësishme që çdo veprim i ndërmarrë të mos cenojë mundësinë e gazetarëve për të ushtruar lirinë e tyre në përcjelljen e informacionit dhe për të ruajtur konfidencialitetin e burimeve të tyre.
Këto janë aspekte thelbësore të lirisë dhe pluralizmit të medias, që janë kritike për garantimin e shtetit të së drejtës.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Gjiganti gjerman, ZDF shkruan për protestat: Mijëra çdo ditë poshtë zyrës së Ramës
'Fashist e bullizues je ti! Të ka hyrë frika!' Lum komentesh kundër Ramës, mundin dhe 'patronazhistët'
VIDEO - Protesta e shqiptarëve në të gjithë botën/ Edhe nga Vjena – Rama ik