Nga Erion Dasho
"(Hot)Spot Albanese" është një emision që duhet të shihet nga çdo shqiptar. Një prej gazetarëve hetues më të njohur të Italisë, Sigfrido Ranucci që i bën një analizë të thellë në serialin REPORT të RAI 3 atij që e cilëson "vendin më të korruptuar të Europës".
Emisioni që bën bashkë ministrat e brendshëm të Edi Ramës (pjesa më e madhe e tyre të lidhur me trafikun e drogës), policë si Dritan Zagani dhe prokurorë si Besim
Hajdarmataj që kanë hetuar lidhjet e shtetit me krimin dhe kanë përfunduar të linçuar, ish-shefin e interpolit italian që pranon dhuratë toka në bregdet në emër të fondacionit të vet, vëllanë e kryeministrit që përdor të njëjtën makinë me narkotrafikantë të dënuar, etj., etj.
Gjysma e parë e emisionit trajton çështjen e kampeve të refugjatëve italianë në Shqipëri, ndërsa pjesa e dytë është "bomba" që duhet të kishte tronditur shoqërinë shqiptare.
Por ç'ndodhi?
Emisioni "Opinion" që pretendoi se do të analizonte emisionin, nga 55 minuta diskutim në studio, 40 minuta u morr me bluzën e një prej të ftuarve, duke sabotuar totalisht qëllimin e bisedës. Nën justifikimin e "të drejtës së autorit" nuk shfaqi asnjë pasazh nga emisioni. Po kështu edhe pjesa dërrmuese e portaleve (sidomos ata më të njohurit) e kanë injoruar këtë intervistë, sikundër kanë bërë edhe televizionet apo gazetat e lidhura me ta.
Për miqtë e interesuar, linku i emisionit në rreshtin e parë, të cilin i ftoj ta ndajnë sa më shumë, pasi është i vështirë për t'u gjetur i plotë në internet.
VIDEO - Report(Hot)Spot Albanese
© SYRI.net
VIDEO/ Isa Myziraj: Nuk është e lehtë të protestosh sidomos për gazetarët
Teliti: 5D gllabëroi taksat e qytetarëve të Tiranës, ngrihu dhe protesto
SYRI TV/ Gaçi, investitori strategjik 4 orë në SPAK, i thirrur për çështjen e Jorgo Goros
Denonco
Merrni lajmet më të fundit nga SYRI.net në çdo moment dhe kudo që të jeni!
