Mediat kryesore në Maqedoninë e Veriut, përfshi agjencinë shtetërore të lajmeve i kanë kushtuar një vëmendje të veçantë takimit të Kryetarit të Partisë së Lirisë, Ilir Meta me Kryetaren e Komisionit për Arsimin në VMRO-DPMNE, ish-deputeten, znj.Vesna Janevska dje në Korçë.

Mediat maqedonase duke vlerësuar vëmendjen e veçantë që Meta i ka kushtuar gjithmonë Bashkisë së Pustecit dhe komunitetit të mrekullueshëm maqedonas në Shqipëri janë ndalur në faktin e përmendur edhe nga Kryetari i Partisë së Lirisë që Shqipëria duhet të ndjekë shembullin e mbështetjes së jashtëzakonshme të Bujqësisë dhe Blegtorisë nga ish-Qeveria e VMRO-DPMNE, që i dha Maqedonisë së Veriut një zhvillim ekonomik të qëndrueshëm dhe të vlerësuar edhe nga institucionet ndërkombëtare financiare.