Ish-drejtoresha Juridike e Ministrisë së Mjedisit Alba Thoma, mbërriti të hënën në Prokurorinë e Posaçme e shoqëruar me avokatin e saj.
Burime konfirmojnë se ajo është pyetur si person nën hetim për inceneratorin e Tiranës, teksa emri i saj është ndër më të lakuarit në dosje.
SYRI TV
E shoqëruar nga avokati i saj, Alba Thoma, ish-Drejtoresha Juridike e Ministrisë së Mjedisit është paraqitur të hënën e 19 shkurtit në Prokurorinë e Posaçme.
Burime bëjnë me dije se Thoma ka dhënë sqarime si person nën hetim për inceneratorin e Tiranës, teksa emri i saj rezulton mes 15 zyrtarëve të lartë për të cilët SPAK ka lëshuar Dhjetorin e kaluar urdhër-arreste apo masa sigurie në lidhje me procedurat e ndjekura.
Më 8 dhjetor ndaj Alba Thomës është ekzekutuar urdhëri i gjykatës për masën e arrestit në Shtëpi, teksa përkatësisht u ekzekutuan 2 masa arresti në burg shtesë për Lefter Kokën e Alqi Bllakon që ndodhen prapa hekurave prej kohësh, 4 masa arresti në burg për zyrtarë të tjerë mes të cilëve drejtorin e Bashkisë Tiranë Taulant Tushen, të cilat u ekzekutuan, 3 masa të tjera nuk u ekzekutuan dot pasi nuk janë gjetur ende dhe bëhet fjalë për Mirel Mërtirin, Klodian Zoton e Erjon Muratajn, ndërsa bashkë me Alba Thomën në arrest shtëpie u lanë edhe 5 shtetas të tjerë.
Emri i Thomës është ndër më të lakuarit në dosjen e inceneratorëve por edhe në atë në ngarkim të ish-zv.kryeministrit Arben Ahmetaj.
TITULL: Urdhër arreste të ekzekutuara në burg:
- Lefter Koka .
- Albi Ballko
TITULL: Të arrestuar
- Bledar Karoli
- Taulant Tusha
- Naim Simixhiu
- Jetmir Llapaj
TITULL: Në kërkim:
- Mirel Mërtiri
- Klodian Zoto
- Erjon Murataj
TITULL: Në 'Arrest shtëpie':
- Alba Thoma
- Valbona Ballgjini
- Sidita Kopliku
- Etleva Kondi
- Silena Tola
- Pëllumb Abeshi (ndryshuar më vonë në “Arrest në burg”)
© SYRI.net