Nënkryetari i Këshillit Bashkiak të Tiranës, Dorian Teliti, duke folur për protestën e nesërme të thirrur nga Partia Demokratike, është shprehur se, pritet të ketë një pjesëmarrje të madhe.
Duke folur në ‘Taks Force’ me Sonila Meçon në SYRI TV, Teliti u shpreh se protesta është e drejtuar nga opozita, por do të jetë një protestë e qytetarëve.
‘Protesta e nesërme është e drejtuar nga opozita, por është protestë e qytetarëve. Qytetarët më çdo mjet demokratik të mosbindjes civile të shprehin revoltën e tyre brenda kufizimeve të demokracisë.
Është një ekip i ngushtë që merret me organizimin.
Pritshmëritë janë që nesër do të jetë protesta e protestave. Pritshmëria që kanë njerëzit tek opozita për të shpalosur mllefin e tyre prej 11 vitesh, për të shpalosur mllefin e tyre se janë shtypur, rrënuar, syrgjynosur, burgosur, i janë larguar fëmijët nga vendi.
Dilni në protestë nesër për ata fëmijë që i ke thënë ik nga Shqipëria, të cilin e nuk e prek dot.
Kur mazhoranca qeverisëse arrin dhe lexon ligjin sipas mënyrës së vet, arrin deri në kufirin që arreston dhe i kufizon lirinë kryeopozitarit, imagjino se çfarë mund të bëjë me njerëzit e thjeshtë’, u shpreh Dorian Teliti në SYRI TV.
EMISIONI I PLOTE:
© SYRI.net