Kryetari i Partisë së Lirisë, Ilir Meta, është takuar sot me kreun e degës së kësaj partie në Maliq, Faslli Zholin dhe kanë biseduar për problemet konkrete që shqetësojnë banorët e zonës. Vetë Ilir Meta në postimin e bërë sot në Fb tregoi mbi bisedën e tyre.

“Kënaqësi ta nis ditën me Kryetarin e Partisë të Lirisë në Maliq, Faslli Zholin, - shkroi ai. - E falenderova për punën e shkëlqyer që ai bën si Nënkryetar i Këshillit të Bashkisë bashkë me këshilltarët tanë në mbrojtje të interesave të komunitetit punëdashës të kësaj treve që ka një potencial të jashtëzakonshëm për prodhim dhe zhvillim. Me Partinë e Lirisë mollët, patatet, qepet dhe prodhimet e tjera nuk do të shkojnë dëm.  Djersa e tyre do të shpërblehet dhe kthehet në begati!”