Kryeministri Edi Rama i pyetur për lajmet që kanë qarkulluar në mediet greke se i ka propozuar Vangjel Tavos që të marrë drejtimin e Himarës, nuk e ka mohuar këtë gjë, po ka thënë, 'pyesni mediat greke', se edhe mediat shqiptare andej e kanë marrë informacionin.

Ai ka theksuar se qeveria është duke pritur vendimin e Apelit të GJJKO që më pas të marrë veprime për të zgjidhur ngërçin e krijuar në Himarë pasi kryebashkiaku i zgjedhur Fredi Beleri ndodhet në burg.

“Vendimi i GJKKO ishte pozitiv në këndvështrimin tim edhe për një hapësirë që krijon por së pari njëherë nuk është vendim i formës së prerë do të presim të marrë forma të prerë, s’mund të veprojmë me një vendim të shkallës së parë. Të gjitha këto të tjerat që kanë qarkulluar kanë si burim median greke as median shqiptare as qeverinë as zyrën time. Kështu që unë nuk komentoj çfarë më vë mua në gojë apo në kurriz media greke pa më pyetur dhe mua. Janë emra historira që unë i kam parë në median shqiptare të marra nga media greke. Është pyetje për kolegët tuaj grekë në gazeta portale televizioni ose kur tu jepet pyetja pyesni autoritetet greke. Unë di që ne presim vendimin e formës së prerë”, tha Rama.

Pak ditë më parë media greke Ekathimerini publikoi lajmin e takimit të Ramës me Vangjel Tavon, nga ku thuhej se kryeministri shqiptar i ka kërkuar Tavos të marrë drejtimin e Bashkisë Himarës.

Tavo mohoi takimin, por Rama sot nuk ka bërë një mohim kategori të këtij takimi, që le të nënkuptohet se pas vendimit të formës së prerë të gjykatës për Belerin, që kuptohet do diktoihet nga ai, më pas do bëhet zëvendësimi i tij.