Deputeti i Partisë së Lirisë Petrit Vasili ka komentuar ngjarjen e rëndë të ndodhur ditën e djeshme në burgun e Peqinit.
Nga Petrit Vasili:
S'ka asnjë deklaratë apo koment nga llafazani noterik Edi Rama për këtë ngjarje kaq të rëndë si ajo e burgut të Peqinit megjithëse po ky komenton çdo budallëk të botës.
Dhe s'ka asnjë surprizë kjo, që po ndodh në burgje sepse Rama dhe Rilindja e gatuan vetë këtë situate kaq të rëndë dhe skandaloze.
Me burgjet Rama dhe Rilindja bënë pazare votash dhe i bënë burgjet dhe votat e të burgosurve pjesë aktive të manipulimit të zgjedhjeve në Shqipëri.
Rasti i Bashkisë së Rrogozhinës ishte me flagranti, por loja e ndyrë politike me burgjet dhe votat e të burgosurve është e njejtë në të gjitha burgjet e vendit.
Pazare nga më të ndyrat janë bërë dhe bëhen nga rilindja në funksion të manipulimit të votave të të burgosurve përmes premtimeve, shantazhit dhe veprimeve të paligjshme të qeverisë.
Është e natyrshme që në këtë situatë të ndodhin edhe ngjarje shumë të rënda si ajo e burgut të Peqinit ku u vra një i burgosur me një armë zjarri, që kishte hyrë lehtësisht në burg.
Kjo qeverisje e inkriminuar deri në grykë bën pazar edhe me malaviten për të rrëmbyer votat, që nuk i takojnë edhe që nuk i meriton.
Shteti rilindas është peng i krimit dhe ka shkatërruar çdo parametër të shtetit serioz dhe që duhet të respektojë ligjin.
Ngjarja në burgun e Peqinit është vetëm maja e ajsbergut të një situatë nga me të rendat për sigurinë publike dhe atë të zbatimit të ligjit në vend.
Me rilindjen ne pushtet krimi është i lumtur ndërsa qytetarët me të kërcënuar se kurrë.
© SYRI.net