Petrit Vasili, nënkryetar i PL, ka reaguar në lidhje me artikullin e fundit nga Monitor, ku KE ngre alarmin për ekonominë shqiptare.

Vasili shkruan se kjo problematikë kërkon me urgjencë marrjen e masave afatgjata, por qeverinë shqiptare e ka kapluar korrupsioni dhe propaganda, çfarë e ka lënë fatin e ekonomisë në rënie të lirë.

Postimi i plotë:

BE ngre alarmin per ekonomine, ndersa Qeveria korrupsion te çfrenuar ne vend te zgjidhjeve!

Raporti me i fundit i Komisionit Europian ngre shqetesime te rendesishme per rreziqe dhe probleme madhore te ekonomise se Shqiperise ne te tashmen dhe te ardhmen e afert.

Kjo problematike kerkon me urgjence ndemarrjen e masave energjike te shenjestruara, afatgjata dhe me nivel ekspertize profesionale teper te larte.

Por fatkeqesisht Qeveria e kapluar nga korrupsioni dhe propaganda e çfrenuar i ka lene fatet e ekonomise se vendit ne renie te lire duke lene ate ne meshire te fatit, pa instrumenta mbrojtes dhe pa asnje strategji parapergatitjeje per tu perballur me keto rreziqe te medha.

Komisioni Europian ka paralajmëruar në Raportin e rij të fundit se ekonomia shqiptare do të përballet me disa rreziqe në rritje si:

"konsumi privat parashikohet të ngadalësohet për shkak të çmimeve të larta të ushqimeve dhe ecurisë më të dobët të punësimit”, thuhet në raport.

"Shqipëria është shumë e ekspozuar ndaj pasojave të ndryshimeve klimatike. Rritja e nivelit të detit, si dhe përmbytjet/thatësirat pritet të ndikojnë ndjeshëm në shoqëri, infrastrukturën publike dhe aktivitetet ekonomike".

"Prandaj, duhet të miratohen planet e menaxhimit të rrezikut klimatik në të gjitha nivelet dhe infrastrukturat kryesore jetike duhet të jenë të mbrojtura nga klima, për të rritur qëndrueshmërinë e vendit ndaj ndikimeve të ndryshimeve klimatike”

"Nevojitet progres në ndërlidhjen e energjisë me vendet fqinje dhe ngritjen e një tregu të integruar rajonal të energjisë, për të forcuar sigurinë e furnizimit dhe për të krijuar mundësi për zhvillimin dhe tregtimin e energjisë së gjelbër".

 "Diversifikimi në burimet e mëdha diellore dhe të erës do të përmirësonte ndjeshëm sigurinë energjetike të Shqipërisë dhe do të reduktonte cenueshmërinë e saj ndaj ndikimeve të ndryshimeve klimatike”.

"emigracioni u rrit me 10.5% krahasuar me vitin 2021, duke çuar në një ulje të popullsisë me 1.1% në vitin 2022".

"Ekziston një perceptim në rritje se vështirësitë në rekrutimin e fuqisë punëtore të kualifikuar po bëhen pengesë për biznesin dhe sipërmarrësit po kërkojnë gjithnjë e më shumë masa nga qeveria për të ndihmuar në mbajtjen e punëtorëve dhe për të ofruar stimuj për kthimin e diasporës".

P E R F U N D I M:

Perkunder kesaj analize te thelluar, ndihmëse dhe shume serioze te Komisionit Europian Qeveria jo vetem nuk reflekton por thellohet gjithmone e me shume ne korrupsion dhe injorance administrative shteterore.

Çdo pike dhe çdo moment i kesaj Analize te KE do te duhet te kishte nga ana e qeverise strategjine dhe instrumentet financiare te zgjidhjes.

Por ne te kundert te kesaj meraku i vetem i qeverise eshte te shtoje paratë e koncesioneve dhe projekteve infrastrukturore te me mbivendosje fondesh financare ne menyre korruptive.

Vendi po shkon pa u ndalur drejt krize se thelle ekonomike, ndersa qeveria ne vend se ta ndale vecse po e shpejton dhe rendon kete krize dhe keto premisa teper serioze negative.