Iva bodurri juristja e juriste e Drejtorisë së Shërbimit të Transportit Rrugor Elbasan, është arrestuar gjatë ditës së sotme.

Iva Bodurri përveç punës së saj në këtë drejtori, mësohet se është edhe patronazhiste e PS-së. Siç duket në qendër të fotos, Iva Bodurri është patronazhiste dhe përfaqësuese e Partisë Socialiste dhe anëtare e KZAZ 49 në zgjedhjet lokale në Elbasan, 14 maj 2023.

Iva Bodurri, juriste e Drejtorisë së Shërbimit të Transportit Rrugor Elbasan (DRSHTRR) është arrestuar nga policia, për shpërdorim detyrë dhe falsifikim dokumentesh.

30-vjeçarja, sipas policisë dyshohet se ka shpërdoruar detyrën, duke falsifikuar kontrata për pronësinë mbi 3 automjete të marra me qira, të cilat u shitën në kundërshtim me ligjin, nga shtetasit Thanas Beko dhe R. L. (Th. B., i arrestuar dje; R. L. punonjës i DPSHTRR Elbasan, ende në kërkim), pasi iu hoqën GPS.

Punonjësja e DRSHTRR-së, e cila ishte shpallur në kërkim një ditë më parë, u vu në pranga në kuadër të operacionit ‘Fraud’, ndërsa policia ka sekuestruar 3 automjetet, ndërkaq vijon puna për kapjen e shtetasit R. L.

Mësohet se Thanas Beko dhe njëri prej punonjësve, kishin marrë me qira 3 automjete dhe më pas u kanë hequr GPS dhe i kanë falsifikuar dokumentet mbi pronësinë dhe dokumentet e tjera, i kanë shitur kundrejt vlerës 20 000 euro.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtijsh