Nga Besart Xhaferri/

Marshimi i studentëve të mjekësisë nga univeristeti drejt godinës së Ministrisë Arsimit ka sjellë

solidarizimin e mijëra qytetarëve që i përshëndesin dhe i inkurajojnë.

Me urdhër nga lart shumica e mediave janë detyruar të ndërpresin transmetimin e kësaj proteste, teksa Syri Tv vijon të mbetet oaz lirie mediatike që prej ditësh e transmeton të plotë këtë protestë.

Kjo censurë na rikthen pas në kohë kur me urdhër të Ramiz Alisë protestat studentore censuroheshin.

Censura dëshmon edhe njëherë frikën e pushtetit karshi të rijnve që në vend të konformizmit kanë zgjedhur luftën për dinjitet.

Këta studentë sot bëjnë krenar secilin shqiptar, pasi beteja e tyre ka në thelb lirinë dhe vetëvendosjen.

Nuk do lejojmë që këta studentë të bëhen kurban i korrupsionit të kësaj mazhorance.

Jemi në krah të studentëve në çdo akt që ata do të ndërmarrin.