Presidentja e Kosovës, Vjosa Osmani, pak para nisjes së Samitit në Granada të Spanjës, në kuadër të Komunitetit Politik Evropian, është takuar me kancelarin e Gjermanisë, Olaf Scholz, dhe kryeministrin e Greqisë, Kyriakos Mitsotakis, me të cilët zhvilloi një bisedë.

Pamjet nga Spanja që i ka siguruar gazeta online Reporteri.net, shfaqin momentin kur Osmani zhvillon takimin me Scholz e Mitsotakis, ndërkohë që Presidentit serb, Aleksandar Vuçiq, shihet i vetmuar dhe se askush nga liderët evropian të pranishëm në samit s’po i kushton fort vëmendje.